1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
Ağdərə rayonunun Vəngli kənd sakini övladlarının doğma yurda sevinclə qayıtdıqlarını bildirib.
Oxu.Az xəbər verir ki, bunu "Report"a açıqlamasında kənd sakini Raya Baxşalıyeva deyib.
O, doğma kəndə qayıdacaqları günü illərlə gözlədiyini söyləyib:
"Altı övladımdan dördü Vənglidə anadan olub. Kəndimizi çox ağır vəziyyətdə tərk etmişdik. Bizim üçün çox əlamətdardır ki, övladlarımın dördü kəndə öz ailəsi ilə qayıdır.
Çox sevincliyik, bu günü illərlə gözləmişdik. Nəhayət, arzularımız çin oldu. Həm də ona görə qürurluyam ki, övladlarım kiçik yaşlarında tərk etdikləri, çox da xatırlamadıqları kəndimizə böyük sevinc hissi ilə dönürlər".
