Şotlandiya millisinin sabiq futbolçusu və Premyer Liqanın bir sıra klublarında oynamış Kreyq Börli “Mançester Yunayted” rəhbərliyinin hansı oyunçu ilə tezliklə vidalaşmalı olduğunu açıqlayıb.
90deqiqe.Az-ın məlumatına görə, "ESPN" sabiq futbolçunun dediklərini belə çatdırıb.
“Altay Bayındır. Onlar ondan faydalana bilmirlər. Ola bilsin, o, zərbələrin qarşısını almaqda yaxşıdır – qapıçılara da buna görə pul verirlər. Amma standart vəziyyətlərdən sonra topu saxlamaqda tamamilə acizdir”
Xatırladaq ki, türkiyəli qolkiper 2023-cü ilin payızında “Mançester Yunayted”ə qoşulub. Bu müddətdə o, “qırmızı şeytanlar”ın heyətində 14 matça çıxıb, 24 qol buraxıb və yalnız 3 oyunda qapısını toxunulmaz saxlaya bilib.
Premyer Liqada üç turdan sonra “Mançester Yunayted” 4 xalla 9-cu yerdə qərarlaşıb.
