Dördqat Böyük Dəbilqə çempionu, dünya birincisi italyan tennisçi Yannik Sinner Açıq Eranın tarixində ardıcıl beş böyük turnirin finalına çıxan dördüncü oyunçu olub.
Publika.az xəbər verir ki, o, US Open-in yarımfinalında kanadalı Feliks Oje-Alyassimi 6:1, 3:6, 6:3, 6:4 hesabı ilə məğlub etməklə buna nail olub.
Sinnerdən əvvəl bu nailiyyət yalnız əfsanəvi “böyük üçlük”dən olan oyunçular – serb Novak Cokoviç, isveçrəli Roje Federer və ispan Rafael Nadalaa nəsib olmuşdu. Qeyd edək ki, italyan tennisçi bu uğura imza atan ən gənc oyunçu oldu.
