Ukrayna Rusiyaya zərbələr endirib | VİDEO

AzVision.az Ukrayna Silahlı qüvvələrinin (USQ) Baş Qərargahının məlumatına istinadən xəbər verir ki,sentyabrın 5-nə keçən gecə Pilotsuz Sistemlər qüvvələrinin bölmələri, Xüsusi Əməliyyat qüvvələri, Ukrayna Müdafiə nazirliyinin Baş Kəşfiyyat İdarəsi və müdafiə qüvvələrinin digər hissələri Ryazan neft emalı zavoduna zərbələr endiriblər.

“İlkin məlumatlara görə, təxmin edilən gücü ildə 6 milyon ton neft olan ELOU-AVT-6 ilkin neft emalı qurğusunun vurulduğunu qeydə almaq mümkün olub”, - xəbərdə deyilir.

Ukrayna Rusiyanın daha bir strateji obyektini vurub | VİDEO

Layihə gücü ildə 17,1 milyon ton olan Ryazan neft emalı zavodu bu sahədə Rusiyadakı ən böyük dördlüyə daxildir. Burada Rusiya ordusunun ehtiyacları üçün müxtəlif markalı benzinlər, dizel və reaktiv yanacaq, mayeləşdirilmiş qazlar və digər məhsullar istehsal olunur.

USQ-nin Baş Qərargahının məlumatına görə, eyni zamanda, Rusiyanın Kaluqa vilayətində S-400 “Triumf” HHM raket kompleksinin iki divizionununmövqelərinə zərbələr endirilib.

- Düşmənin komanda maşını və idarəetmə məntəqəsi vurulub”,- ukraynalı hərbçilər bildirirlər.

Xatırladaq ki, avqustun 29-na keçən gecə Ukrayna ordusu Rusiyanın Bryansk vilayətində neft kəməri vasitəsilə dizel yanacağı nəql edən magistral xətti-istehsal stansiyasına zərbə endirmişdi.

pic.twitter.com/If2nEAM5QP

— Newsfeed (@Newsfeed883920) September 5, 2025

Sahil İsgəndərov
AzVision.az