Şəki Apellyasiya Məhkəməsində yol qəzası törətməkdə təqsirləndirilən Günay Hüseynovanın barəsindəki hökmdən dövlət ittihamçısı tərəfindən verilən apellyasiya protesti və apellyasiya şikayəti üzrə məhkəmə iclası başa çatıb.
Pravda.az-ın əldə etdiyi məlumata görə, hakim Zamin Tahirovun sədrliyi ilə keçirilən prosesdə qərar elan olunub.
Qərara əsasən, apellyasiya protesti təmin edilib, Qax Rayon Məhkəməsinin 22 may 2025-ci il tarixli hökmü cinayət qanununun normasının tələblərinə uyğun olaraq dəyişdirilib. Təqsirləndirilən şəxsə təyin olunmuş azadlıqdan məhrumetmə cəzasının çəkilməsi hamilə olduğuna görə uşaq ön dörd yаşınа çаtаnаdək təxirə salınıb. Günay Hüseynovanın cəzasını məntəqə tipli cəza çəkmə müəssisəsində çəkməsi, cəzaçəkmə müddətinin əvvəlinin icraya yönəldiyi vaxtdan, onun məntəqə tipli cəza çəkmə müəssisəsində qeydiyyata alındığı vaxtdan hesablanmasınа dair müddəalar hökmdən xaric olunub.
İttihama görə, hadisə 12 noyabr 2024-cü il tarixdə, saat 17:00 radələrində Qax giriş avtomobil yolunun Qax rayonu, Əmircan kəndi ərazisindən keçən 11-ci km-də qeydə alınıb.
Belə ki, Günay Hüseynova idarə etdiyi, həyat yoldaşına məxsus “Nissan Sanny” markalı avtomobillə hərəkətdə olan zaman nəqliyyat vasitəsi idarəetmədən çıxaraq yol kənarındakı qoz ağacına çırpılıb.
Hadisə zamanı avtomobildə olan uşaq C.Abbaslı yerindəcə ölüb.
Hadisədən sonra Günay Hüseynova saxlanılaraq cinayət məsuliyyətinə cəlb edilib.
Qax Rayon Məhkəməsinin hökmü ilə o, cəzasını məntəqə tipli cəza çəkmə müəssisəsində çəkməklə 3 il müddətinə azadlıqdan məhrum edilmişdi.
Kamal Məmmədov
