İki ölkə arasında sərhəd təhlükəsizliyi və transmillət cinayətkarlığa qarşı birgə fəaliyyət planı təsdiqlənib...
Poliqon xəbər verir ki, ABŞ Dövlət katibi Marko Rubio və Meksika Prezidenti Klaudiya Şeynbaum Meksika paytaxtında keçirilən görüşdə narkokartellərə və digər transmillət cinayətkar qruplaşmalara qarşı əməkdaşlığı möhkəmləndirmək öhdəliyini təsdiqləyiblər.
Rəsmi məlumatda bildirilir ki, tərəflər ABŞ-Meksika münasibətlərində möhkəm tərəfdaşlıq və kartellərin ləğvi, fentanil probleminin qarşısının alınması, transmillət cinayətkar qruplar tərəfindən törədilən zorakılığın azaldılması, qeyri-qanuni miqrasiyanın qarşısının alınması və iqtisadi rifahın və təhlükəsizliyin təmin edilməsi üzrə birgə öhdəliklərini vurğulayıblar.
ABŞ Dövlət katibi Meksika Xarici İşlər Naziri Xuan Ramon de la Fuenlə birgə keçirilən mətbuat konfransında Vaşinqtonun Karib dənizində narkotik daşıyan katerlərin məhv edilməsinə yönəlmiş əməliyyatları davam etdirməyi planlaşdırdığını açıqlayıb. Bu əməliyyatlar bölgədə narkotik ticarətinin qarşısını almaq və transmillət cinayətkar şəbəkələrini zəiflətmək məqsədini daşıyır.
Poliqon.info
