Sentyabrın 3-də Azərbaycan Respublikasının müdafiə naziri general-polkovnik Zakir Həsənov Vyetnam Sosialist Respublikasının Hərbi Dəniz Qüvvələri Komandanlığının qərargahında olub.
Doğru.az xəbər verir ki, əvvəlcə Hanoy şəhərində yerləşən “Qəhrəmanlar və Şəhidlər abidəsi” və Prezident Ho Chi Minh mavzoleyi ziyarət edilib, abidələrə əklillər qoyulub.
Daha sonra müdafiə naziri Vyetnam HDQ komandanı vitse-admiral Tran Thanh Nghiem ilə görüşüb. Görüş zamanı hər iki ölkənin hərbi dəniz qüvvələri arasında əməkdaşlığın inkişaf perspektivləri, eləcə də qarşılıqlı maraq doğuran məsələlər müzakirə olunub.
Sonda general-polkovnik Zakir Həsənov HDQ briqadasına və “Ha Long” buxtasına baş çəkib, yaradılan şəraitlə tanış olub.
DOĞRU.AZ
