Vaşinqton, 3 sentyabr, AZƏRTAC
ABŞ Prezidenti Donald Tramp Rusiya-Ukrayna məsələsində yeni proseslərin tezliklə baş verə biləcəyini açıqlayıb.
AZƏRTAC-ın məlumatına görə, bu barədə o, jurnalistlərin sualına cavabında bildirib. "Mən çox maraqlı şeylər öyrəndim, düşünürəm ki, yaxın bir neçə gündə siz də öyrənəcəksiniz", - deyə Tramp bildirib.
Ağ Evdəki çıxışı zamanı Tramp əlavə edib ki, o, Putinlə Ukrayna Prezidenti Volodimir Zelenski arasında mümkün görüşə dair gedişatı çox yaxından izləyir.
Məlahət Nəcəfova
AZƏRTAC-ın xüsusi müxbiri
Vaşinqton
