Cebheinfo saytından verilən məlumata əsasən, ain.az məlumatı açıqlayır.
Bu ilin avqust ayında Azərbaycanda bütün platformalarda (kompüter, mobil cihazlar və planşetlərdə) "Google" axtarış sisteminin bazar payı 80,72 % (iyulda 81,28 % və 1 il əvvəl 89,86 %) təşkil edib.
"Report"un "Statcounter" agentliyinin son hesabatına istinadən verdiyi məlumata görə, bu, iyul ayına nisbətən 0,56 faiz bəndi, 2024-cü ilin avqust ayı ilə müqayisədə 9,14 faiz bəndi azdır. Beləliklə sistemin bazar payı 1 il əvvələ nisbətən iyulda 10,2 % azalıb.
İkinci pillədəki "Yandex"in bazar payı ay ərzində 0,37 faiz bəndi, illik isə 8,49 faiz bəndi artaraq 16,77 % olub.
Növbəti yerdə qərarlaşan "Bing"in bazar payı aylıq müqayisədə 0,08 faiz bəndi, illik isə 0,03 faiz bəndi artaraq 1,31 %-də qərarlaşıb.
Dördüncü yerdəki "DuckDuckGo"nun bazar payı ay ərzində 0,05 faiz bəndi, illik müqayisədə isə 0,38 faiz bəndi artaraq 0,58 % təşkil edib.
İlk beşliyi qapadan "Yahoo"nun bazar payı ay ərzində 0,05 faiz bəndi, illik müqayisədə isə 0,18 faiz bəndi artaraq 0,52 % olub.
"Cebheinfo.az"
Sonrakı hadisələr barədə daha çox məlumat almaq üçün ain.az saytını izləyin.
