Gədəbəydə ölümlə nəticələnən ağır yol-nəqliyyat hadisəsinin bəzi təfərrüatı məlum olub.
Oxu.Az-ın əldə etdiyi məlumata görə, avqustun 29-u saat 20 radələrində Gədəbəy rayonunun Maarif kəndi ərazisində 1981- ci il təvəllüdlü Ramiz Həsənəliyevin idarə etdiyi VAZ-21043 markalı, 50-BU-563 dövlət nömrə nişanlı avtomobillə 2006-cı il təvəllüdlü Rəvan Şirinovun idarə etdiyi VAZ-2121 markalı, 10-GV-054 dövlət nömrə nişanlı avtomobil toqquşub.
Qeyd edək ki, hadisə nəticəsində 2022-ci il təvəllüdlü Uğur Həsənov və 1981-ci il təvəllüdlü Raziyyə Bağırova hadisə yerində həlak olublar. VAZ-21043 markalı avtomobilin sürücüsü Ramiz Həsənəliyev isə xəsarət alıb.
Faktla bağlı araşdırma aparılır.
29.08.2025-ci il tarixində, saat 20 radələrində Gədəbəy-Şəmkir avtomobil yolunun Gədəbəy rayonu Maarif kəndindən keçən hissəsində baş verən ağır yol-nəqliyyat hadisəsi zamanı həlak olanların adları bəlli olub.
Oxu.Az-ın əldə etdiyi məlumata görə, xəbər verir ki, Rəvan Şirinovun idarə etdiyi avtomobillə Ramiz Həsənəliyevin idarə etdiyi nəqliyyat vasitəsinin toqquşması nəticəsində sərnişin, 2022-ci il təvəllüdlü U.Həsənov və 1981-ci il təvəllüdlü Raziyyə Leysan qızı Bağırova aldıqları xəsarətdən hadisə yerində ölüblər.
Müxtəlif dərəcəli bədən xəsarətləri alan sürücü R.Həsənəliyev xəstəxanaya yerləşdirilib.
Fakta görə, Gədəbəy RPŞ-də Azərbaycan Respublikası CM-in 263.3-cü maddəsi ilə cinayət işi başlanmaqla istintaq aparılır.
Gədəbəydə ağır yol-nəqliyyat hadisəsi baş verib.
Hadisə Maarif kəndində qeydə alınıb.
VAZ-2104 və “Niva” markalı avtomobillərin toqquşması nəticəsində iki nəfər – qadın və uşaq həyatını itirib, daha bir nəfər – 1981-ci il təvəllüdlü Ramiz Həsənəliyev ağır xəsarət alıb.
Yaralı xəstəxanaya yerləşdirilib.
Hazırda ölənlərin şəxsiyyəti dəqiqləşdirilir.
Faktla bağlı araşdırma aparılır.
