İsveç Xarici İşlər Nazirliyi Kiyevdəki partlayışlarla əlaqədar Rusiyanın bu ölkədəki səfiri Sergey Belyayevi XİN-ə çağırıb.
Ölkə.az “Qafqazinfo”ya istinadən xəbər verir ki, bu barədə İsveç XİN məlumat yayıb.
“Bu gün Xarici İşlər Nazirliyi Rusiyanın Stokholmdakı səfirini XİN-ə çağırıb”, - deyə məlumatda bildirilib.
İsveç hökuməti beynəlxalq humanitar hüququn pozulmasına qarşı sərt mövqeyini və Ukraynaya dəstəyini bəyan edib.
Qeyd edək ki, bundan əvvəl Estoniya Xarici İşlər Nazirliyi Rusiyanın müvəqqəti işlər vəkili Lenar Salimullini Kiyevə endirilən zərbələrə görə çağırıb.
Onu da xatırladaq ki, avqustun 28-i, gecə saat 3 radələrində Ukraynanın paytaxtı Kiyev şəhərinə raket hücumları zamanı raketlərdən biri Azərbaycanın Ukraynadakı səfirliyinin binasının yaxınlığında partlayıb.
Nəticədə səfirliyin binasına zərər dəyib, pəncərələr qırılıb, konsulluq bölməsinin damında çatlar əmələ gəlib.
