Hazırda həbsdə olan erməni iş adamı Samvel Karapetyanın təsis etdiyi "Mer dzevov" ("Öz yolumuzla") adlı hərəkatın təqdimatı keçirilib.
Senzor.az-ın yerli KİV-ə istinadən məlumatına görə, hərəkatın Koordinasiya şurasının sədri, iş adamının qardaşı oğlu Narek Karapetyan bildirib ki, bu hərəkat qeyri-siyasi olacaq və ölkəyə, cəmiyyətə xidmət etməyə hazır olan insanları bir araya gətirəcək.
Hərəkat müxtəlif peşə və təbəqələrdən olan insanları birləşdirəcək.
Onun sözlərinə görə, hərəkatın yaradılması ilk mərhələdir. “İkinci mərhələdə isə siyasi partiya yaradılacaq və bu partiya qarşıdan gələn parlament seçkilərində iştirak edəcək”, - deyə N.Karapetyan bildirib.
Koordinasiya şurasının rəhbəri, həmçinin hakimiyyət nümayəndələrini dövlət xadimlərinə çevrilmək əvəzinə "sarı mətbuat jurnalistləri" olaraq qaldıqlarını vurğulayıb.
