Fiziki şəxslərin müddətli əmanətləri iyul ayında 1,2 faiz və ya 111,8 milyon manat artıb, tələbli əmanətləri isə 1 faiz və ya 58,7 milyon manat azalıb. Ümumilikdə, fiziki şəxslərin cəmi əmanətləri son bir ayda 0,4 faiz artıb.
Doğru.az xəbər verir ki, Mərkəzi Bankın məlumatına əsasən, fiziki şəxslərin əmanətlərinin 67,2 faizi (10 milyard 159,1 milyon manat) milli valyutada, 32,8 faizi isə (4 milyard 954,8 milyon manat) xarici valyutada saxlanılır. Əmanət portfelinin 63 faizi (9 milyard 519,9 milyon manat) müddətli əmanətlərdən ibarətdir.
Hesabat dövründə bank sektoru üzrə unikal müddətli əmanətçi sayı iyul ayında 3,3 faiz (5,529 əmanətçi), ilin əvvəlindən isə 15,4 faiz (23,183 əmanətçi) artıb. Hüquqi şəxslərin tələbli depozitləri isə 16 milyard 141,1 milyon manat təşkil edərək onların cəmi depozit portfelində 74,9 faiz paya sahib olub.
DOĞRU.AZ
