Reyting.az saytından verilən məlumata görə, ain.az xəbər verir.
Avropalı diplomatlar və hərbi rəsmilər Ukrayna və Rusiya mövqeləri arasında 40 kilometrlik bufer zona yaradılmasını müzakirə edirlər. Reyting.az “Politico” nəşrinə istinadla bildirir ki, plan atəşkəsə nəzarət etmək üçün sülhməramlı qüvvələrin yerləşdirilməsini nəzərdə tutur.Bununla belə, təşəbbüs ziddiyyətli qiymətləndirmələrə səbəb olur: o, Kiyevdən ərazi güzəştləri tələb edə bilər və hələ ki, onun rəsmi dəstəyinə malik deyil. ABŞ bu müzakirələrdə fəal iştirak etmir.Nəşr yazır ki, Avropa rəsmilərinin kövrək sülhü təmin etmək üçün Ukrayna ərazisinin bir zolağının bağlanması imkanını nəzərdən keçirməsi NATO müttəfiqlərinin çarəsizliyindən xəbər verir.Pentaqonun keçmiş rəsmisi Cim Taunsend bu fikri tənqid edib: “Onlar saman çöpündən yapışırlar. Ruslar avropalılardan qorxmurlar. Əgər onlar bir neçə müşahidəçinin işğalı dayandıra biləcəyini düşünürlərsə, yanılırlar”.Bəzi Avropa rəsmiləri mümkün zonanı Koreya demarkasiya xətti ilə deyil, Almaniyanın “Soyuq Müharibə” zamanı bölgüsü ilə müqayisə edirlər.Patrul xidməti göstərən qoşunların sayı 4000-60000 nəfər arasında qiymətləndirilir. Potensial iştirakçılar arasında artıq müttəfiqlərin dəstəyi üçün lobbiçilik edən Britaniya və Fransa da var. Amma Polşa və Almaniya öz qüvvələrini yerləşdirməkdən imtina edir, Estoniya isə məhdud kontingent təqdim etməyə hazırdır. Əksər müttəfiqlər məsuliyyətin əsas hissəsini Ukraynanın öz üzərinə götürəcəyini gözləyir.NATO qoşunların bufer zonaya köçürülməsi alyansın şərq cinahını zəiflədə bilər. Bununla belə, Polşa bunun onu hücumlara qarşı daha həssas edəcəyindən narahatdır.Avropalı diplomatların fikrincə, Vaşinqton Ukraynanın təhlükəsizliyinin təminatında minimal rol oynayacaq. Amma ABŞ peyk kəşfiyyatı və hava dəstəyi verə bilər, çünki sülh sazişlərinə əməl olunmasına nəzarət etmək üçün yalnız onun kifayət qədər resursu var.Zonanın yaradılması və sülhməramlı missiyanın formatı ilə bağlı yekun qərar hələ qəbul edilməyib.E. KAMAL
Daha ətraflı məlumat və yeniliklər üçün ain.az saytını izləyin.
