“ABŞ prezidenti Donald Tramp Ukraynaya qarşı müharibədə Moskvaya üstünlük verərək hazırda Rusiya agenti kimi çıxış edir”.
Reyting.az xəbər verir ki, bunu Yay Universitetində gənclərin tədbirində çıxışı zamanı Portuqaliya prezidenti Marselo Rebelo de Sousa deyib.
Sousa beynəlxalq vəziyyət və müasir çağırışlardan danışıb. O, Trampı daha emosional və vasitəçisiz, birbaşa təmaslara yönəlmiş yeni siyasi liderlik üslubunun nümunəsi adlandırıb. Bununla belə, Portuqaliya lideri qlobal güc balansında təhlükəli dəyişikliyi qeyd edib.
“Bir xüsusi və çətin məsələ ilə: aparıcı fövqəldövlətin lideri sovet və ya rus agenti kimi çıxış edir”,- deyə Sousa əlavə edib.
O, bunun “dostluğa, iqtisadi, ideoloji və ya doktrinal əməkdaşlığa əsaslanan ittifaq” olmadığını vurğulayıb: “Mən deyirəm ki, obyektiv olaraq Amerikanın yeni rəhbərliyi strateji baxımdan Rusiya Federasiyasına üstünlük verir”.
Sousa qeyd edib ki, Amerikanın yeni rəhbərliyi “bir tərəfin müttəfiqindən münaqişənin hakiminə çevrilib” və özünü Ukrayna və Avropa istisna olmaqla, yalnız Rusiya ilə danışıqlara çalışan arbitr kimi aparır.
E. KAMAL
