Avropa liderləri sülh sazişi çərçivəsində Rusiya və Ukrayna arasında cəbhə xəttində 40 kilometrlik bufer zonasının yaradılması imkanını müzakirə edirlər. Bu barədə "Politico" nəşri avropalı diplomatlara istinadən yazıb.
Hafta.az xəbər verir ki, bufer zonasının yaradılması variantı atəşkəs və ya münaqişənin uzunmüddətli həlli halında avropalılar tərəfindən araşdırılan təkliflərdən biri olduğu bildirilir. Lakin o da qeyd edilib ki, məmurlar arasında zonanın dərinliyi ilə bağlı fikir birliyi yoxdur. Nəşr yazır ki, Kiyevin bu varianta razı olub-olmayacağı məlum deyil, çünki bu, ərazi güzəştlərini də nəzərdə tuta bilər. ABŞ bu müzakirələrdə iştirak etmir.
Məlumata görə, sərhəddə patrul xidməti aparmaq üçün zəruri olan hərbçilərin sayı da sual altında qalır. Rəsmilər 4 mindən 60 minə qədər hərbçinin iştirakını müzakirə edirlər. Lakin ölkələr hələlik üzərilərinə hər hansı öhdəlik götürməyib və Prezident Donald Tramp ABŞ qoşunlarının mümkün mövcudluğundan imtina edib.
