Dələduzluqda ittiham olunaraq həbs edilən müğənni Rəqsanə İsmayılova ev dustaqlığına buraxılmaq üçün məhkəməyə müraciət edəcək. Ulusum.az xəbər verir ki, bu haqda Musavat.com-a müğənninin vəkili Hikmət Əliyev açıqlama verib.O, onkoloji xəstəlikdən əziyyət çəkən müğənninin səhhətinin qənaətbəxş olduğunu bildirib:“Ev dustaqlığına buraxılması üçün hələ müraciət etməmişik. Amma müraciət edəcəyik. Həbsdə xəstə olan bir xanım üçün yaxşıdır demək düzgün deyil. Səhhəti qənaətbəxşdir. İşin gedişatına uyğun mediaya açıqlama verəcəyik”. Xatırladaq ki, Rəqsanə Cinayət Məcəlləsinin 178.4-cü (dələduzluq-xüsusilə külli miqdarda törədildikdə) maddəsi ilə ittiham olunur. Bu növ cinayətdə ən əsası zərərçəkmişə dəymiş ziyanın ödənilməsi yüngülləşdirici hal hesab edilir. Əks halda şəxs 10 ildən 14 ilə kimi azadlıqdan məhrum edilə bilər.Qeyd edək ki, dünən müğənninin əri Fazil Əmiraslanovun ifadəsi alınıb.Polisə çağırılan Fazil Əmiraslanov istintaqın suallarını cavablandırıb.
Diqqət Çəkənlər
Zelenski Çin və Macarıstanı Rusiyaya təsir etməyə çağırdı
Stresin dərmanı, ruhun təsəllisi – yemək niyə mükafatdır?
DYP küləkli hava ilə bağlı sürücülərə müraciət edib
