82-ci Venesiya Film Festivalında dünən nümayiş olunan Yorqos Lantimosun “Buqoniya” filmi tamaşaçılar tərəfindən 6 dəqiqə ayaq üstə alqışlanıb.
Kulis.az xəbər verir ki, baş rolda Emma Stoun və Cessi Plemonsun çəkildiyi ekran işində Stounun rolu üçün saçını qırxması diqqət çəkdi.
“Buqoniya”, 2003-cü ildə çəkilmiş Cənubi Koreya filmi "Save the Green Planet!"dən ilhamlanaraq hazırlanıb və 31 oktyabr 2025-də yayımlanacaq.
Festivalın digər qalmaqallı filmi isə Noa Baumbaxın “Cey Kelli”si oldu. Corc Kluni və Adam Sandleri bir araya gətirən film təxminən 9 dəqiqə ayaq üstə alqışlandı.
Qeyd edək ki, “Jay Kelly”nin 5 dekabr 2025-də tamaşaçılara təqdim ediləcəyi açıqlanıb.
