"Beşiktaş"da Sulşerin yerinə o GƏLDİ

  Türkiyənin məşhur futbol klubu "Beşiktaş"ın yeni baş məşqçisi müəyyənləşib.

Referans  "TRT Spor"a istinadən xəbər verir ki, "qara qartallar"ın sükanı bundan sonra Sergen Yalçına həvalə olunub.

Məlumata görə, Yalçın bu gündən etibarən komandanın məşqlərinə qoşulacaq.

Qeyd edək ki, bu, onun "Beşiktaş"dakı ikinci baş məşqçilik dönəmi olacaq. Sergen Yalçın 2020-ci ilin yanvarından 2021-ci ilin dekabrınadək İstanbul nəhəngini çalışdırıb və həmin müddətdə həm Türkiyə Superliqasının, həm də ölkə kubokunun qalibi olub.

Bildirək ki, "Beşiktaş" UEFA Konfrans Liqasındakı uğursuz nəticələrdən sonra norveçli mütəxəssis Ule Qunnar Sulşeri matç sonrası qovub.