ain.az xəbər verir, sport24.az saytına əsaslanaraq.
"Turan Tovuz"un mövsümə inamsız start verməsi klub rəhbərliyini narazı salıb. Sport24.az-a daxil olan məlumata əsasən, Kurban Berdıyevin oynatdığı futbol rəsmiləri qane etmir.
Mövsümlərarası fasilədə heyəti gücləndirən, transferlərə yetərincə pul xərcləyən klub rəhbərliyi komandadan daha baxımlı və nəticə qazandıran oyun gözləsə də hələ ki, istədiyini görə bilmir. Mövsümün startı ərəfəsində İdarə Heyətinin sədri Ehtiram Quliyev "boz qurdlar"ın çempionluğa oynayacağını söyləsə də, komanda 2 turda sərgilədiyi oyunla etimadı doğrultmur. Bu üzdən "baba" ləqəbli Berdıyevin kreslosu laxlayıb. "Neftçi" ilə bu gün keçiriləcək matçda növbəti məğlubiyyət "baba"nın gedişini bir qədər də tezləşdirə bilər.
Qeyd edək ki, 2 turdan sonra aktivində 3 xal olan tovuzlular turnir cədvəlinin 6-cı pilləsində qərarlaşıb.
Hadisənin gedişatını izləmək üçün ain.az saytında ən son yeniliklərə baxın.
