Son illər rayonumuzun ərazisində aparılan abadlıq və quruculuq işləri biz sakinləri çox sevindirir. Yaşadığımız Sarovlu kəndi də görülən bu işlərdən kənarda qalmayıb.
Kəndimizdə sakinlərin rahatlığını təmin edən çoxlu sayda işlər həyata keçirilmişdir. Elə götürək kənddə özbaşına tikilən obyektlərin sökülməsini. Bu obyektlər kəndin simasını korlayırdı. Bunu nəzərə alan rayon rəhbərliyi heç bir icazə sənədi olmadan və mövcud qanunvericiliyin tələblərinə cavab verməyən bir neçə tikilinin sökülməsinə qərar verdi. Rayon icra hakimiyyəti tərəfindən həyata keçirilən tədbirlər nəticəsində Bakı-Ələt-Qazax-Gürcüstanla dövlət sərhədi avtomobil yolunun Sarovlu kəndi ərazisindən keçən ərazidəki yöndəmsiz obyektlər sökülərək yerində gül-çiçək əkildi. Bu qərar həm kənd camaatı, həm də yolu Sarovdan keçənlər tərəfindən razılıqla qarşılandı.
İmran VƏLİYEV,
Goranboy rayon Sarovlu kəndinin sakini
