Tailandın şimalında baş verən Kadziki qasırğası nəticəsində ölənlərin sayı 5-ə çatıb, 7 nəfər isə hələ də itkin düşüb.
Bakıvaxtı.az xəbər verir ki, bu barədə "Bangkok Post" məlumat yayıb.
Məlumata görə, ölkənin şimal və şimal-şərqində 12 əyalətdə güclü yağışlar nəticəsində daşqın və torpaq sürüşməsi baş verib. Təbii fəlakət 6300-dən çox insan və 1800 ev təsərrüfatına ziyan vurub.
Tailand Meteorologiya İdarəsi krallığın şimal əyalətlərində sürüşmə və daşqınlara səbəb ola biləcək güclü yağış təhlükəsi barədə xəbərdarlıq edib.
