Dövlət Sosial Müdafiə Fondu tərəfindən nəqliyyat vasitələrinin əsaslı təmiri xidmətlərinin satın alınması üzrə keçirilən tenderin qalibi “Best Auto Service” Məhdud Məsuliyyətli Cəmiyyəti olub.
NOCOMMENT.az 32gun.az-a istinadən xəbər verir ki, tərəflər arasında bağlanacaq müqavilənin dəyəri 140.672,52 AZN təşkil edir. Əldə etdiyimiz digər məlumata görə, “Best Auto Service” şirkətinin 2.735,42 AZN məbləğində vergi borcu mövcuddur.
Qalib şirkətin nizamnamə kapitalı 500 manatdır və qanuni təmsilçisi Nazim Əskərov Məmmədşah oğludur.
Qeyd edək ki, Satınalmalar haqqında Qanuna əsasən, tenderdə iştirak edən təşkilatların vergi və sosial öhdəliklərinin olmaması tələb olunur. Lakin tenderi elan edən qurumun vergi borcu ilə bağlı qanunvericilikdə birbaşa məhdudiyyət nəzərdə tutulmayıb.
Xatırladaq ki, Fond Əmək və Əhalinin Sosial Müdafiəsi Nazirliyinin tabeliyində fəaliyyət göstərir. Nazir Anar Əliyev, Fondun İdarə Heyətinin sədri isə Zəka Mirzəyevdir.
