Vaşinqton, 28 avqust , AZƏRTAC
ABŞ Dövlət katibi Marko Rubio Türkiyənin xarici işlər naziri Hakan Fidan ilə telefon danışığı aparıb.
AZƏRTAC-ın Dövlət Departamentinə istinadən verdiyi məlumata görə, tərəflər ABŞ - Türkiyə münasibətləri, o cümlədən NATO müttəfiqi kimi əməkdaşlığın gücləndirilməsini müzakirə ediblər. Onlar, həmçinin Yaxın Şərqdə sülh və sabitliyə davamlı dəstəklərini ifadə ediblər və Rusiya - Ukrayna müharibəsinin danışıqlar yolu ilə həll etmək üçün davamlı diplomatiyanın zəruriliyini vurğulayıblar.
Məlahət Nəcəfova
AZƏRTAC-ın xüsusi müxbiri
Vaşinqton
