ain.az bildirir, Azertag portalına istinadən.
Astana, 28 avqust, AZƏRTAC
Qazaxıstanın Abay vilayətində iri infrastruktur layihələrinin həyata keçirilməsi planlaşdırılır.
AZƏRTAC əyalətin icra hakimiyyətinə istinadla xəbər verir ki, Türkiyənin “Makimsan” şirkəti dəmir yolu ötürücülərinin, avtomobil və piyada körpülərinin, inzibati binaların, həmçinin müasir tullantı poliqonunun tikintisi ilə məşğul olacaq.
Anlaşma və əməkdaşlıq memorandumu vilayətin icra hakimi Berik Uali ilə “Makimsan” şirkətinin prezidenti Atilla Kurşat Dikçi arasında imzalanıb.
1969-cu ildə yaradılan “Makimsan” şirkəti Türkiyə, MDB ölkələri, Avropa və Afrikada ümumi dəyəri 2,5 milyard ABŞ dollarından çox olan layihələri reallaşdırıb.
Elşən Rüstəmov
AZƏRTAC-ın xüsusi müxbiri
Astana
Sonrakı hadisələr barədə daha çox məlumat almaq üçün ain.az saytını izləyin.
