Çox ehtimal ki, Britaniya, Fransa və Almaniya İrana qarşı sanksiyaların bərpasına başlayacaqlar. Bu burədə “Reuters” dörd diplomata istinadən məlumat yayıb.
Bildirilir ki, sözügedən ölkələrin liderləri ümid edirlər ki, İran növbəti bir ay ərzində nüvə proqramı ilə bağlı öhdəliklər təqdim edəcək və bu, avropalı liderləri məhdudlaşdırıcı tədbirlərin qəbuluna yenidən baxmağa vadar edəcək.
Avropalı liderlərin və İranın nümayəndələrinin görüşü avqustun 26-da baş tutub, lakin heç bir ciddi nəticə verməyib. Mənbələrin məlumatına görə, avropalı “üçlük” sanksiyaların yenilənməsi ilə bağlı qərarı, ola bilsin bu gün - avqustun 28-də versin.
Qərbdə hesab edirlər ki, İranın nüvə proqramı mülki məqsədləri aşır, Tehran isə bunu təkzib edir. Bu sanksiyaların qüvvəyə minməsi üçün isə protokola əsasən 30 gün müəyyən edilib, bundan sonra da məhdudiyyətlər İranın maliyyə, bank və müdafiə sahələrinə şamil olunacaq.
ZÜMRÜD
