Türkiyənin İstanbul şəhərinin Çekmeköy rayonunda Alemdağ İdman Klubunun prezidenti Tuncay Meriç kafedə matçla bağlı xəbərləri izləyərkən silahlı hücuma məruz qalıb.
Axar.az Oxu.az-a sitinadla xəbər verir ki, bu barədə İHA yazıb.
İddiaya görə, 49 yaşlı Tuncay Meriç kafedə oturduğu zaman borc mübahisəsi zəminində bir şəxs tərəfindən başından güllələnib.
Hücum edən şəxs hadisə yerindən qaçıb, Meriç isə təcili yardımla xəstəxanaya çatdırılıb. Lakin bütün səylərə baxmayaraq, onun həyatını xilas etmək mümkün olmayıb.
Polis şübhəlinin saxlanılması istiqamətində tədbirləri davam etdirir.
