Fələstinin rəsmi xəbər agentliyi WAFA-nın məlumatına görə, İsrail döyüş təyyarələri Qəzza zolağının mərkəzindəki Bureyc düşərgəsini və Qəzza şəhərinin qərbindəki Rimal məhəlləsini hədəf alıb.
Bureyc düşərgəsində Qanim ailəsinə məxsus evin vurulması nəticəsində 1 qadın və uşağı həlak olub. Qəzza şəhərinin qərbindəki Rimal məhəlləsindəki Şuheda küçəsində Fələstin Qülləsi yaxınlığındakı iqamətgahın hədəfə alınması nəticəsində 1 qadın da həlak olub.
Həmçinin Şati Qaçqınlar Düşərgəsində məcburi köçkün fələstinlilərin yerləşdiyi çadırlara hava hücumu nəticəsində çox sayda insan yaralanıb.
Xan Yunisdə də hava hücumu nəticəsində bir fələstinli həlak olub.
Qəzza zolağının şimalındakı Bədr düşərgəsində məcburi köçkünlərin sığındığı çadırın vurulması nəticəsində bir uşaq yaralanıb. Deyr əl-Bələh şəhərində isə Əbu Misbah ailəsinə məxsus ev İsrail artilleriyasının hədəfi olub.
