Ermənistanın Baş naziri Nikol Paşinyan avqustun 31-dən sentyabrın 1-dək Çin Xalq Respublikasının Tyantsizn şəhərində keçiriləcək Şanxay Əməkdaşlıq Təşkilatının sammitində iştirak edəcək.
Missiya.Az xəbər verir ki, bu barədə "Hraparak" məlumat yayıb.
Bildirilib ki, Baş nazir sentyabrın 3-də isə Çinin Yaponiya üzərində qələbəsinin 80-ci ildönümünə həsr olunmuş hərbi paradda iştirak edəcək:
“Biz onun Çindən Yaponiyaya getmək istədiyini öyrəndik. Lakin mənbələrimiz bildirir ki, Ermənistan Baş nazirinin məğlubiyyətlərinə həsr olunmuş hərbi paraddan dərhal sonra Yaponiyaya səfər etmək istəyi sözügedən ölkədə narazılığa səbəb olub. Hətta onlar buna mane olmağa çalışıb. Xüsusən də Paşinyanın həyat yoldaşı Anna Akopyanın səfərdə iştirakı ilə bağlı çaşqınlıq ifadə olunub. Yaponiyaya səfərin baş tutub-tutmayacağı bir neçə gündən sonra məlum olacaq”, – deyə nəşr qeyd edib.
Nurlana ƏhmədovaMissiya.Az
