Bizimyol saytından alınan məlumata görə, ain.az bildirir.
Böyük Britaniyanın sabiq baş naziri Toni Bleyer və ABŞ-ın prezidenti Donald Trampın kürəkəni Cared Kuşner Ağ Evdə keçiriləcək görüşdə Trampa Qəzza üçün müharibədən sonrakı planla bağlı təkliflərini təqdim edəcəklər.
Bizimyol.info xəbər verir ki, bu barədə "Axios" iki məlumatlı mənbəyə istinadən xəbər verib.
Görüş zamanı Qəzzaya humanitar yardımın artırılması məsələsi də müzakirə olunacaq. Mənbələrin bildirdiyinə görə, Bleyer və Kuşner HƏMAS-ın iştirak etmədiyi alternativ idarəetmə modelləri təklif edəcəklər.
"Ağ Ev hazırda bu görüşlə bağlı əlavə şərh vermir, lakin prezident Tramp müharibənin bitməsini və regionda hər kəs üçün sülh və rifahın bərqərar olmasını istədiyini aydın şəkildə ifadə edib", – deyə Ağ Evin nümayəndəsi bildirib.
Bundan əvvəl Trampın xüsusi nümayəndəsi Stiv Vitkoff "Fox News"a açıqlamasında Trampın Qəzza ilə bağlı "böyük bir görüş" keçirməyə hazırlaşdığını təsdiqləyib.
"Bu, Qəzzada müharibədən sonrakı dövr üçün hazırlanacaq çox əhatəli bir plandır. Çoxları görəcək ki, bu plan nə qədər düşünülmüş və nə qədər humanitar niyyətlərlə hazırlanıb. Bu, prezident Trampın insani motivasiyalarını əks etdirir", – deyə Vitkoff bildirib.
Onun sözlərinə görə, Ağ Ev müharibənin ilin sonuna qədər başa çata biləcəyini düşünür. Mənbələr qeyd edir ki, Vitkoff artıq bir neçə aydır Kuşner və Bleyerlə birlikdə Qəzzanın gələcəyi ilə bağlı ideyaları müzakirə edir.
İsrailin Baş naziri Benyamin Netanyahuyla və onun yaxın məsləhətçisi Ron Dermerlə sıx təmasda olan Toni Bleyer əvvəllər də Vaşinqtonda Ağ Evin yüksək rütbəli rəsmiləri və Fələstin Muxtariyyətinin prezidenti Mahmud Abbasla görüşlər keçirib.
Amerikalı rəsmilər bildirirlər ki, Ağ Evdəki görüşdə humanitar yardımın həcminin artırılması da əsas mövzulardan biri olacaq.
"Yardım planı genişləndirilir — qida məhsullarının miqdarı, onların paylanma üsulları və yardım ediləcək insanların sayı artırılır", – deyə ABŞ rəsmisi bildirib. Onun sözlərinə görə, Trampın təlimatı qısa və konkret olub: "Oradakı vəziyyəti yoluna qoyun".
Prezidentin özü də Qəzzadakı böhranı artıq şəxsi çağırış kimi qəbul etdiyini bildirib. "Artıq buna baxa bilmirəm. Bu, dəhşətlidir", – deyə Tramp komandasına bildirib.
Bu arada İsrail Qəzza şəhərinə yeni hücum hazırlıqları görür.
"Prezident düşünür ki, bir nöqtədə Bibi (Netanyahu) nə edəcəyini artıq qərarlaşdırıb. Onda, bəlkə, siz sadəcə tələsəsiniz, biz də gəlib insanlara yardım edə bilərik?" – deyə amerikalı rəsmi "Axios"a bildirib.
Qadir, Bizimyol.info
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
