İngiltərənin “Lester Siti” klubunun sağ cinah müdafiəçisi Ceyms Castin bundan sonra karyerasını “Lids”də davam etdirəcək.
Arena.az bu barədə “Lids”in rəsmi saytına istinadən xəbər verir.
Sözügedən klub bu transferi 9,3 milyon avroya rəsmiləşdirib. 27 yaşlı ingilis futbolçu yeni klubu ilə 4 illik (2030-cu ilin 30 iyununadək) müqavilə bağlayıb.
Ceyms Castin “Luton Taun”un yetirməsidir. “Lester Siti” onu 2019-cu ilin yayında 6,7 milyon avro müqabilində heyətinə qatmışdı. İngilis müdafiəçi bu komandanın heyətində 169 oyuna çıxıb, 11 qol vurub, 10 məhsuldar ötürmə müəllifi olub.
Castin İngiltərə milli komandasında da 1 oyun keçirib.
“Transfermarkt” internet-portalı 27 yaşlı müdafiəçinin transfer dəyərini 13 milyon avro məbləğində qiymətləndirir.
