AZ

“Nəsiminin məzarını Suriyada qorumalı, ölkəmizə gətirməməliyik, çünki...”

Böyük şair və mütəfəkkir İmadəddin Nəsiminin məzarı Suriyadan Azərbaycana gətirilə bilər.

APA-nın əldə etdiyi xəbərə görə, Azərbaycan dövləti Nəsiminin məzarının ölkəyə köçürülməsində maraqlıdır.

Moderator.az-a açıqlama verən akadimik Nizami Cəfərov belə bir addımın atılmasına lüzum görmədiyini bildirib:

“Ümummili liderimizin bizə yadigar qoyub getdiyi tarixi təcrübə mövcuddur. Böyük şəxsiyyətlərimiz harada, hansı məzarlıqda yatırlarsa, biz onları orada qorumalı, onların qeydinə orada qalmalıyıq. Onların məzarını ölkəmizə gətirməməliyik. Niyə gətirməməliyik? Bax bunun çoxlu səbəbləri var.

Əgər dahi şəxsiyyətlərimizdən hansınınsa məzarı tamamilə yad yerdədirsə, ciddi problemlər varsa, həmin məzar dağıntıya məruz qala bilərsə və s. o zaman məzarın köçürülməsi məsələsinə baxıla bilər.

Nəsimi Hələbdə öldürülüb. Lakin Hələbdə də görkəmli din xadimi kimi böyük şöhrət qazanıb. Nəsiminin məzarını orada qorumalıyıq. Necə ki, Füzulinin, Məmməd Əmin Rəsulzadənin, Mirzə Fətəli Axundzadənin, Topçubaşovun məzarıtlarını həmin ölkələrdə qoruyuruq. Bu məzarlar tarixən müəyyənləşmiş yerdədirlər.

Konkret Nəsiminin məzarına gəlincə, əgər həmin məzar üçün qarşısıalınmaz təhlükə varsa, orada məzar ciddi dağıntıya məruz qala bilərsə, yalnız o zaman həmin məzar gətirilə bilər. Digər hallarda, belə bir adımın atılması məqsədəuyğun deyil. Bizim də bir mədəniyyət tariximiz var. Bizim o coğrafiyalara mənəvi iddialarımız var. Orada bizim mədniyyətimizin elementləri var. Biz bunları itirə bilmərik.

Bildiyim qədəri ilə, Nəsiminin nəsli bu vaxta qədər davam edir. Bu nəslin neçə əsrlik nümayəndələri var. Onların hamısının soyadı Nəsimi olaraq qalır. Biz o nəsli neynəyəcəyik?

Buna görə düşünürəm ki, xüsusi bir ehtiyac olmasa, Nəsiminin məzarını narahat edib gətirmək doğru olmaz”.

Seymur ƏLİYEV

 

Seçilən
89
moderator.az

1Mənbələr