"Çelsi" və "Arsenal"ın sabiq ulduz futbolçusu David Luis xəyanət ittihamları səbəbilə qalmaqalın mərkəzinə düşüb.
Publika.az xəbər verir ki, model Karol Kavalkante futbolçunun ona "üçlük seks" təklif etdiyini bildirib. O, guya onların şəxsi yazışmalarını da yayımlayıb.
Luisin agentliyi və "Magna Praia" oteli şəxsi görüş faktını təkzib ediblər. Futbolçunun özü isə haqlı olduğuna əmin olduğunu deyib.
Skandaldan sonra futbolçunun nişanlısı Bruna Lureyro sosial şəbəkədə müəmmalı paylaşım edib:
"Ümid edirəm ki, yaxşı anlar sizi harada olursunuzsa olun tapacaq, hətta ən adi günlərdə belə. Qoy onlar gözlənilmədən gəlsin, sanki kainat tərəfindən yazılmış gözəl bir təsadüf kimi. Qoy onlar çətin gündən sonra rahatlıq mənbəyinə çevrilsin. Qoy yaxşı anlar həmişə sizinlə olsun, siz onları axtarmadığınız vaxtlarda belə".
