ABŞ öz qoşunlarını Ukraynaya göndərməyəcək, amma Vaşinqton Kiyev üçün təhlükəsizlik zəmanətlərinin verilməsində fəal rol oynamaq niyyətindədir.
News24.az xəbər verir ki, bunu ABŞ-nin vitse-prezidenti Ceyms Di Vens “NBC News”a müsahibəsində deyib.
“ABŞ Prezidenti Donald Tramp Ukraynada ABŞ qoşunlarının olmayacağını çox açıq şəkildə ifadə etdi. Lakin biz ukraynalılara müharibəni dayandırmaq üçün təhlükəsizlik təminatlarını və inamı təmin etməyə çalışmaqda fəal rol oynayacağıq”, -deyə Vens bildirib.
