Bu gün Rusiya ordusu Kiyevə yenə dronlarla hücum edib.
Senzor.az yerli KİV-ə istinadən bildirir ki, bu barədə şəhərin meri Vitali Kliçko özünün “Telegram” kanalında məlumat yayıb.
İlkin məlumatlara görə, Rusiyaya məxsus pilotsuz uçuş aparatı paytaxtın Solomensk rayonunda yerə düşüb.
“Yanğın qeydə alınmayıb. Təcili xidmətlər hadisə yerinə göndərilib”, – deyə Kliçko bildirib.
Ukrayna mediasının məlumatına görə, avqustun 23-ü gecədən başlayaraq Rusiya qüvvələri Ukraynaya kamikadze dronlarla genişmiqyaslı hücum təşkil edib. Əsas zərbələr ölkənin şərq və şimal bölgələrinə endirilib. Ukrayna ərazisinə buraxılan 49 müxtəlif tipli drondan 36-sı hava hücumundan müdafiə qüvvələri tərəfindən vurulub.
