Birinci Liqanın debütantı "Səbail" ötən mövsüm Premyer Liqada çıxış edən komandanın üzvlərinə olan borclarını ödəyib.
Fanat.Az-ın əldə etdiyi məlumata görə, əsas komandanın futbolçularının may ayından qalan maaşları bu gün hesaba köçürülüb.
Qeyd edək ki, Bayıl klubunun icraçı direktoru Firuz Abdulla bu ayın əvvəlində borcla bağlı xəbərimizi təsdiqləmişdi: "Doğrudur, bir ayın maaşı qalıb. Mövsümün son ayının - mayın maaşları ödənilməyib. Yaxın günlərdə borcumuzu ödəyəcəyik. Yeni mövsümün startına kimi borc bağlanacaq. Ödənişlə bağlı problem olmayacaq".
Xatırladaq ki, 2017-ci ildən Premyer Liqada çıxış edən "Səbail" 8 ildən sonra I Liqaya yuvarlanıb.
Mirağa
