BAKI, 22 avqust. TELEQRAF
Şimali Koreya lideri Kim Çen In Rusiyanın Kursk vilayətində keçirilən əməliyyatda iştirak edən Koreya Xalq Ordusunun hərbçilərinə ən yüksək dövlət mükafatlarını təqdim edib.
Teleqraf Koreya Mərkəzi Xəbər Agentliyinə (KCNA) istinadən xəbər verir ki, tədbir Koreya Fəhlə Partiyasının Mərkəzi Komitəsinin qərargahında baş tutub.
Tədbirdə komandirlər və əsgərlər, eləcə də hərbçilərin ailə üzvləri iştirak ediblər. Kim Çen In çıxışında Ukrayna ordusuna qarşı döyüşən koreyalı hərbçilərin “şücaəti və fədakarlığını” dilə gətirib.
