Yəmənin cənub-qərbində yerləşən Təiz şəhərində Rayon Polis İdarəsinin rəisi polkovnik-leytenant Abdullah Nakib avtomobilinə yerləşdirilmiş partlayıcı ilə törədilən sui-qəsd nəticəsində həyatını itirib.
Publika.az xəbər verir ki, bu barədə "Star" məlumat yayıb.
Təhlükəsizlik mənbələrinin verdiyi məlumata görə, partlayıcı avtomobilin Cəmal küçəsindən keçdiyi anda partlayıb.
Partlayışdan sonra xəstəxanaya aparılan Nakibi xilas etmək mümkün olmayıb.
Yəmən Daxili İşlər Nazirliyinin açıqlamasında da Nakibin avtomobilinə yerləşdirilmiş bombanın partlaması nəticəsində öldüyü təsdiqlənib.
