Xəbər verdiyimiz kimi, avqustun 18-i Azərbaycan Prezidenti İlham Əliyev Slovakiyanın ölkəyə yeni təyin olunan səfiri Elçin Qasımovun etimadnaməsini qəbul edib.
Milli.Az lent.az-a istinadən"Bioqrafiya" rubrikasında Elçin Qasımov haqqında məlumat verir.
- Elçin Qasımov nə vaxt və harada anadan olub?
Elçin Qasımov 29 dekabr 1987-ci ildə Moskvada anadan olub.
- Elçin Qasımov əslən haralıdır?
Elçin Qasımov əslən Kəlbəcər rayonunun Başlıbel kəndindəndir.
- Elçin Qasımov hansı idman növü ilə məşğul olub?
Elçin Qasımov idmanın gimnastika növü ilə məşğul olub. Həmçinin, tennis üzrə Avropa birincisidir.
- Elçin Qasımov diplomatik fəaliyyətə başlamazdan əvvəl hansı vəzifələri icra edib?
Elçin Qasımov Slovakiya Respublikasının Parlamentinin sədrinin müşaviri vəzifəsində çalışıb. Bir müddət isə Slovakiyanın Azərbaycandakı müvəqqəti işlər vəkili vəzifəsini tutub.
- Elçin Qasımovun ailəsi haqqında nə bilirik?
E.Qasımovun atası professor Cəlal Qasımov uzun illərdir Azərbaycanın Slovakiyadakı fəxri konsuludur. Yeni səfir Milli Məclisin deputatı Mircəlil Qasımlının əmisi oğludur.
Milli.Az
