Ermənistan və İran arasında bir sıra sənədlər imzalanıb — VİDEO (YENİLƏNİB)

Ermənistanın Baş naziri Nikol Paşinyan və İran Prezidenti Məsud Peşeşkan İrəvanda danışıqların nəticəsi olaraq birgə bəyanat imzalayıblar.

Demokrat.az xəbər verir ki, bu barədə Ermənistan KİV-ləri məlumat yayıb.

Bundan başqa, Ermənistanın Baş naziri və İran Prezidentinin iştirakı ilə bir sıra sənədlər - standartlaşdırma, verifikasiya, uyğunluğun qiymətləndirilməsi, metrologiya və texniki tənzimləmə sahəsində əməkdaşlıq haqqında memorandum; tibbi məhsulların istehsalının tənzimləməsi üzrə qarşılıqlı fəaliyyət haqqında memorandum; Ermənistan və İranın muzeyləri, kitabxanaları və milli arxivləri arasında əməkdaşlıq haqqında memorandumlar və s. imzalanıb.

***

12:16

Ermənistanın Baş naziri Nikol Paşinyan və İran Prezidenti Məsud Pezeşkian arasında təkbətək formatda danışıqlar başa çatıb.

Demokrat.az xəbər verir ki, bu barədə Ermənistan KİV-ləri məlumat yayıb.

Qeyd olunur ki, danışıqlar təxminən 1,5 saat davam edib.

Hazırda onlar mətbuata birgə bəyanatlarla çıxış edirlər.

***

11:56

İran Prezidenti Məsud Pezeshkian və Ermənistanın Baş naziri Nikol Paşinyan arasında İrəvanda aparılan danışıqların nəticəsi olaraq 10 anlaşma memorandumunun imzalanması planlaşdırılır.

Demokrat.az xəbər verir ki, bu barədə “Tasnim” agentliyi məlumat yayıb.

***

10:23

Ermənistanın Baş naziri Nikol Paşinyan İrəvana ilk dəfə rəsmi səfərə gələn İran Prezidenti Məsud Pezeşkianı qarşılayıb.

Demokrat.az xəbər verir ki, bu barədə Ermənistan KİV-ləri məlumat yayıb.

Təntənəli qarşılanma mərasimi Paşinyanın iqamətgahında keçirilib.