MİNGƏÇEVİR, 19 avqust. TELEQRAF
Mingəçevirdə bir sıra marşrut avtobuslarının yenilənməsi zərurətə çevrilib. Sakinlər avtobusların köhnəliyindən narazılıq edirlər.
Teleqraf-ın Mərkəzi Aran bürosu xəbər verir ki, şəhərdəmüxtəlif istiqamətlərə normal hərəkət üçün marşrut xətləri mövcud olsa da, həmin xətlərdə işləyən avtobusların heçdə hamısı xidmətə yararlıdeyil.
Xüsusilə 7 və 8 saylı marşrutlarda hərəkət edən avtobus və mikroavtobusların əksəriyyəti köhnədir, salonlarındahavalandırma sistemi quraşdırılmayıb.
.jpg)
Sakin Mürşüd Məmmədov: “7 və 8 saylı marşrutlardan mütəmadi istifadə edirəm. Çoxu keyfiyyətsiz, yararsız, sovet dövründən qalma sınıq-salxaq avtobuslardır. Daha komfortlu və kondisionerli avtobuslar xəttə buraxılsa, yaxşı olar.Bəziləri nəinki sərnişin, heç mal daşımağa da yaramır. Pəncərəsi sınıq, pilləkəni hündürdü. Bu səbəbdən yaşlı adamlar avtobusa minməyə çətinlik çəkirlər".
Əlil Məhəmməd Məmmədov da bu marşrutlarda işləyən avtobuslardan narazıdır: “Mənim kimi fiziki qüsurlu adamlar üçün bu avtobuslara minib-düşmək çətindir.Salonu çox darısqaldır. 7 və 8 saylı marşrutlarda yay aylarında toz-torpaq, qışda isə palçıq avtobusun salonuna dolur".
.jpg)
Problemlə bağlıAYNA-dan sorğumuza cavabda bildirildi ki, bölgələrdə sərnişindaşıma xidmətinin keyfiyyətinin artırılması istiqamətində işlər davam etdirilir:
"Marşrut şəbəkəsi və ictimai nəqliyyatın fəaliyyəti təhlil edilir və şəbəkə yenidən formalaşdırılaraq marşrutlar mərhələli qaydada müsabiqəyə çıxarılır. Mingəçevir şəhəri üzrə də marşrut şəbəkəsi təhlil edilib. Bir neçə marşrut üzrə avtobus parkı yenilənib. Tərəfimizdən daşıyıcılara istismarlarında olan xətlər üzrə avtobusların yenilənməsi barədə tapşırıqlar verilib".
Qeyd edək ki, Mingəçevirdə 3 və 5 saylı marşrut xətlərinə müasir sərnişin avtobusları gətirilib.Sakinlər bu yeniliklərdənrazılıq edirlər. Bir şərtlə: yenilənmə davam eləsin...
