Ryazan bölgəsindəki Şilov rayonunda yerləşən "Elastik" zavodunun barıt sexində baş verən partlayış nəticəsində ölənlərin sayı 25-ə yüksəlib. Bu barədə Rusiya Fövqəladə Hallar Nazirliyindən məlumat verilib.
"Ryazan bölgəsində daha bir mərhumun cəsədi çıxarıldı" deyib Telegram kanalında.
Məlumatda bildirilir ki, ümumilikdə 158 nəfər yaralanıb, onlardan 25-i ölüb.
Ötən gün 24 nəfərin öldüyü bildirilir. Xatırladaq ki, müəssisədə partlayış və yanğın avqustun 15-də baş verib. Zərərçəkənlər Ryazan və Moskvadakı xəstəxanalara yerləşdirilib.
İlkin versiyaya görə, hadisənin səbəbi xarici təsirlər olmadan texnogendir. Hadisə ilə bağlı cinayət işi açılıb.
Cavid
