Böyük Britaniyanın baş naziri Kir Starmer Ukrayna və ABŞ prezidentləri Volodimir Zelenski və Donald Trampın Vaşinqtonda Avropa liderləri ilə görüşünü şərh edib və sammitdə real tərəqqinin əldə olunduğunu qeyd edib...
Poliqon xəbər verir ki, tədbirdən sonra çıxış edən Starmer danışıqları "yaxşı və konstruktiv" adlandırıb. O, əlavə edib ki, zirvədə iştirak edən Avropa liderləri, prezident Tramp və prezident Zelenski arasında hiss olunan birlik hissi var idi. Eyni zamanda Böyük Britaniyanın baş naziri danışıqların iki mühüm nəticəsini qeyd edib.
Birincisi, "istəklilər koalisiyası"nın təhlükəsizlik zəmanətləri üzərində indi ABŞ-la işləyəcəyi qeyd edib: "Bu, Ukraynanın təhlükəsizliyi, Avropanın təhlükəsizliyi və Böyük Britaniyanın təhlükəsizliyi üçün həqiqətən vacibdir".
O, Zelenski ilə Putin arasında Trampın iştirak edəcəyi görüşün keçirilməsinə dair razılaşmanı ikinci mühüm nəticə adlandırıb: "Bu, istər əsirlərin dəyişdirilməsi, istərsə də uşaqların qaytarılması ilə bağlı çox ciddi məsələ kimi Ukraynanın danışıqlar masası arxasında olması prinsipinin etirafıdır. Bu, günün ən mühüm iki nəticəsi idi. Bunlar müsbət nəticələrdir, əsl birlik hissi var idi. Bu gün biz real irəliləyiş əldə etmişik".
Poliqon.info
