ABŞ prezidenti Donald Tramp rusiyalı həmkarı Vladimir Putini uzun müddətdir tanıdığını və bu illər ərzində onunla əla münasibətlər qurduğunu bildirib.
Operativ Media xəbər verir ki, o, Ukrayna böhranının həlli ilə bağlı Ağ Evdə Volodimir Zelenski və Avropa liderləri ilə görüşdə deyib:
“Beləliklə, biz bir müddət görüşəcək və müəyyən məsələləri müzakirə edəcəyik. Məncə, həddindən artıq mürəkkəb məsələlər yoxdur. Hazırda insanların hərəkətə keçmək istədiyi bir nöqtədəyik.”
Tramp əlavə edib: “Həqiqətən, mən Putini uzun müddətdir tanıdığımı düşünürəm. Onunla həmişə əla münasibətim olub. Fikrimcə, prezident Putin bir yol tapmaq istəyir. Bundan sonra nə baş verəcəyini görəcəyik.”
Daha əvvəl o qeyd etmişdi ki, tədbirlər başa çatdıqdan dərhal sonra Rusiya prezidentinə zəng etməyi və bu məsləhətləşmələrin nəticələrini onunla müzakirə etməyi planlaşdırır.
