Qaraciyər bədənimizin ən kritik orqanlarından biridir və sağlamlığımıza birbaşa təsir göstərir.
Toksinləri süzmək, yağ metabolizmasını tənzimləmək, enerji yığmaq kimi həyati funksiyaları yerinə yetirən qaraciyər bəzən yorulur və zədələnir.
Qeyri-sağlam qidalanma, həddindən artıq spirt içmək və müəyyən dərmanlar qaraciyərə mənfi təsir göstərsə də, düzgün qidalar onun güclənməsinə və özünü bərpa etməsinə kömək edə bilər.
Bəs qaraciyər üçün faydalı qidalar hansılardır və bu həyati orqanı hansı qidalar qoruyur?
Medicina.az təqdim edir...
1. Sarımsaq
Tərkibindəki allisin sayəsində sarımsaq qaraciyərə kömək edir. Antioksidant xüsusiyyətləri ilə də qaraciyər hüceyrələrini qoruyur.
2. Limon və portağal
C vitamini ilə zəngin olan bu meyvələr qaraciyərin detoksifikasiya prosesini dəstəkləyir və toksinlərin atılmasını asanlaşdırır.
3. Yaşıl yarpaqlılar
İspanaq, pazı kimi yarpaqlı göyərtilərdə qaraciyər funksiyasını dəstəkləyən və toksinləri aradan qaldırmağa kömək edən xlorofil var.
4. Zeytun yağı
Zeytun yağı qaraciyər yağlanmasının qarşısını alır və hüceyrəni dəstəkləyir.
5. Qoz
Qoz omeqa-3 yağ turşuları və antioksidantlarla zəngindir, qaraciyərin yağ metabolizmasını tənzimləyir və iltihabı azaldır.
6. Yaşıl çay
Yaşıl çayda olan katexinlər qaraciyərin yağlanmasının qarşısını alır və toksinləri təmizləyir.
7. Avokado
Tərkibindəki sağlam yağlar və glutatyon sayəsində avokado qaraciyərin toksinlərdən təmizlənməsinə kömək edir.
8. Çuğundur
Çuğundurun tərkibində qaraciyərin detoksifikasiya prosesini sürətləndirən betalain adlı güclü antioksidant var.
Aygün
Medicina.az
