Bizimyol portalından verilən məlumata əsasən, ain.az bildirir.
Müasir insansı robotlar - məsələn, "Tesla"nın "Optimus"u və ya "Boston Dynamics"in "Atlas"ı - vizual olaraq təsirli görünsələr də, real həyatda effektiv və davamlı işləməkdə çətinlik çəkirlər.
Bizimyol.info xəbər verir ki, mütəxəssislərin fikincə, bunun səbəbi, bu robotların əsasən “beyin mərkəzli” - yəni süni intellektlə idarə olunan - sərt bədənlərə malik olmalarıdır.
"Sony" də daxil olmaqla bir çox şirkət artıq bu problemin fərqindədir. Onlar qeyd edir ki, mövcud robotlar az sayda oynağa və elastiklikdən uzaq quruluşa malikdir. Nəticədə, bu robotlar real dünyada qeyri-müəyyən və dəyişkən şəraitə uyğunlaşa bilmirlər. Məsələn, insan köynəyi hiss edərək və baxmadan qatlaya bilər, amma robotlar hər bir hərəkəti dəqiq planlamalıdır və bu, həm enerji baxımından bahalı, həm də funksional olaraq zəifdir.
Həll yolu isə "mexaniki zəka (MI)" prinsipindədir. Bu yanaşma canlılarda olan passiv uyğunlaşmanı təqlid edir: elastik vətərlər, ağıllı dəri, təbii hərəkətləri dəstəkləyən oynaqlar. Belə bədənlər robotlara daha az enerji ilə daha çox iş görmək imkanı verir.
Gələcəyin robotları yalnız güclü süni intellektə deyil, həm də "ağıllı, adaptiv bədənlərə" sahib olmalıdır. Yalnız bu yolla robotlar laboratoriyadan çıxaraq gündəlik həyatımızın bir parçasına çevrilə bilər.
Qadir, Bizimyol.info
Sonrakı hadisələr barədə daha çox məlumat almaq üçün ain.az saytını izləyin.
