“Liverpul”un müdafiəçisi Kostas Tsimikas klubu tərk edə bilər.
İdmanxeber.az-ın məlumatına görə, mersisaydlılar 29 yaşlı yunan futbolçunu icarəyə vermək variantını nəzərdən keçirir. Baş məşqçi Arne Slot sol cinah müdafiəçisi mövqeyində Endi Robertson və Miloş Kerkezi nəzərdən keçirdiyi üçün futbolçu özü də ayrılmağa razıdır.
2024/25 mövsümündə Tsimikas 29 oyun keçirib və iki məhsuldar ötürmə edib. “Transfermarkt” portalı futbolçunun dəyərini 18 milyon avro qiymətləndirir.
