"İnter Mayami"nin futbolçusu Rodriqo De Paul və müğənni Tini Stessel evlənir.
Sportinfo.az xəbər verir ki, toy gələn yay üçün planlaşdırılıb. Cütlük Mərakeşə səfər zamanı gizlicə nişanlanıb.
"Biz həmişə bilirdik ki, birlikdə olacağıq", - deyə aşiq cütlük mətbuata etiraf edib.
Qeyd edək ki, yarımmüdafiəçi on ildən çox müddətdə Kamila Holmz ilə münasibətdə olub və ondan iki övladı var.
2022-ci ildə o, Tini ilə münasibətə başlayıb, aralarındakı məsafəyə görə ayrılıb, lakin sonradan yenidən barışıblar.
Bu yay De Paul sevgilisinə daha yaxın olmaq üçün həmyerlisi, dostu Lionel Messinin kapitanı olduğu "İnter Mayami"yə keçib.
