Qazaxıstanda təyyarə qəzası: Ölənlər var

Qazaxıstanın Akmola vilayətində yüngül mühərrikli "Aerostar R40F UP-LA229" təyyarəsi qəzaya uğrayıb.

Oxu.Az xəbər verir ki, bu barədə respublikanın Nəqliyyat Nazirliyi məlumat yayıb.

Məlumata görə, qəza nəticəsində bir pilot və bir sərnişin ölüb. Uçuşun özəl reys olduğu bildirilir.

Qəzanın səbəblərini müəyyən etmək üçün xüsusi komissiya yaradılıb. Hadisə ilə bağlı hüquq-mühafizə orqanları tərəfindən ibtidai istintaqa başlanılıb.