Metbuat saytından verilən məlumata görə, ain.az xəbər verir.
ABŞ-nin Nyu-Cersi ştatında yaşayan 76 yaşlı Thongbue Vongbandue adlı şəxs Meta tərəfindən hazırlanmış süni intellekt "Big Sis Billie" tərəfindən real olduğuna inandırıldıqdan sonra faciəvi şəkildə həyatını itirib.
Metbuat.az Reuters-a istinadən xəbər verir ki, Vonqbandue 2017-ci ildə insult keçirdikdən sonra problemlər yaşamağa başlayıb və sosial mediada tanış olduğu süni intellektlə emosional bağ formalaşdırıb.
Bot “Facebook Messenger” vasitəsilə "Mən realam” ifadəsini işlədib, emojilərlə dolu mesajlar göndərərək yaşlı kişini aldadıb və onu Nyu-Yorka dəvət edib.
Həyat yoldaşı onun şəhərə getdiyi təqdirdə dələduzluğun qurbanı olacağından və qarət olunacağından qorxub. Ailəsinin xəbərdarlığına baxmayaraq, Vongbandue görüş üçün qatar stansiyasına gedib. Bu zaman dayancaqda yıxılıb və ciddi baş, boyun xəsarətləri alıb. Bir neçə gün xəstəxanada qaldıqdan sonra vəfat edib.
Bir müddət sonra qızı onun telefonuu yoxlayıb, onun süni intellektə aldandığını görüb və məsələni ictimailəşdirib.
Sonrakı hadisələr barədə daha çox məlumat almaq üçün ain.az saytını izləyin.
